Көкпар - ұлттық ат спорты ойындарының бірі. Ойынның атауы “көк бөрте” (лақ) сөзінен шыққан.

Орталық Азия халықтары арасында кең тараған ойын. Көкпар – Қазақстандағы ең белгілі ұлттық ойындардың бірі. Көшпенді халықтың өмірінде ат құлағында шебер ойнау маңызды болған. Көкпар өте жылдам ойын, басынан соңына дейін жылдам темпте өтеді. Спортшылардан шыдамдылықты, ептілікті, батылдылықты және ат үстіндегі шеберлікке үйретеді. Сонымен қатар көкпар – аттың қалай бапталып үйретілгенін, жүйріктігін де сынайтын спорт. Бұл жерде ат үстінде шабандоздар серкеге таласып оны тақымына қысып қазандыққа салу керек. Көкпар жаппай және дода тартыс болып екіге бөлінеді. Жаппай тартыста әркім Көкпарды өзі иелік етуге тырысады.

Ойын ережесі. 1949 жылы Қазақстанда көкпардың жаңа ережесі бекітілді. 1958 жылдан бастап көкпар ипподромда өткізіледі. Ойын, ұзындығы 200 метр, ені 80 метр алаңда өтеді. Екі қазандықтың арасы 120 метр. Ұзақтығы 20 минуттан екі тайм ойнатылады. Ойыншының мақсаты серкененің денесін жерден көтеріп тақымына қысып, қарсыласының қазандығына салу керек. Қарсыласының қазандығына көп салым салған команда жеңіске жетеді. Жігіттер барлық ойын дәстүрлерін ұстауға тырысады, кейбір қатігез айлалар қазіргі көкпарда тиым салынады. Мысалы ойыншы серкенің денесін көтеріп жатқанда шабуылдауға болмайды және қарсыласын қамшымен ұруға қатаң тиым салынады. Шабандоздарға көрермен жаққа шабуға, ал көрермендер серкенің денесін жерден алып беруге болмайды.